တစ်ခြားနယ်မြေမှာ......
ငွေခရေတွေ ကောက်လို့
စိတ်ကူးရာ ငါ့အိပ်မက်များဟာ
အနာဂတ် မျှော်လင့်ချက်ဖြစ်ခဲ့ပေါ့.....။
ကံတရားတွေ လှိုင်းထန်နေပေမယ့်
အိမ်ပြန်လမ်း မရောက်သေးတဲ့
ငါ့ အတွက်……………
လပြည့်ညလယ်မှာ ကြီးပြင်ဆဲ
ရင်ဖွင့် အလွမ်းများကို
ကမ္ဘာမြေရဲ့ ဟိုးတစ်ဖက်ခြမ်း
မွေးရပ်ဌာနကို. . .ခဏ ခဏ
ပြောပြချင်ခဲ့တယ်. . . . .။ ။
ဘဝတွေ မသေချာနိုင်ဘူး
မနက်ဖြန်တွေ မရေရာခဲ့သော
တွေးဝေရတဲ့ ငါ့စိတ်ဓာတ်များ
မကြာခဏ ပြိုလဲနေလည်း
အပြုံးနဲ့သာ နိုးထပါရစေ. . .
ရည်မှန်းချက်ရဲ့ လမ်းကြမ်း
ငါ့ ဖြတ်ကျော်ရအုံးမယ်လေ……။ ။
ရိုးသားခြင်းဟာ ငါ့ရဲ့စည်းစိမ်း
ဖြူစင်ခြင်းများ ငါ့ရဲ့သွေးသား
ဝဋ်ကြွေးရှိသမျှ ကြေအေးပေးပါကွယ် ။ ။
အပေးအယူတွေနဲ့. . . .
ရှင်သန်ရတဲ့ တို့ဘဝများ
ဘာကိုမှာ တွယ်တာစရာ မရှိပါ.....။ ။
အချိန်များ ကြာနှောင်း
လွမ်းနေရတဲ့ ဟိုတစ်ခါဆီက
ပျော်ရွှင်မှုတွေ စဉ်းစားရင်းနဲ့
အတွေးများ ဝေဝါးစွာ
အိမ်ပြန်လမ်းကလေးကို
ဆွေးဆွေးနေမိ
ငေးကာ ငိုင်ရင်း
ဒီနှလုံးသားထဲမှာ အိမ်အလွမ်းများ
ရက် လ နှစ်တို့ ရှည်လျားခဲ့ပြီးလေ……။ ။
0 Comment:
Post a Comment