အိပ်မက်များနဲ့ ရူးနမ်းခဲ့တာ
ပစ္စုပ္ပန် အလွမ်းများဟာ
အခုလို့ တိတ်ဆိတ်တဲ့ညမျိုး
မြက်ခင်းစိမ်းစိမ်း…
လရောင်က အမှောင်ထဲမှာ
အနာဂတ်ကို ဖုံးကွယ်ထားပါစေလား…။ ။
အဆင်မပြေမှုတွေနဲ့……
စနစ်တကျလွှဲချော်မှုများဟာ
ငါ့ရင်ခုန်သံကို ရပ်တန့်ခွင့်ရမယ်ဆိုရင်
ဘယ်လျှောက်ရမှန်း မသိသေးတဲ့
မနက်ဖြန် မာယာလမ်းပေါ်မှာ
ငါ့ ဦးတည်ရာ လမ်း
ငါ့ ကိုယ်တိုင်း ဖောက်နေဆဲပေါ့……။ ။
လေညင်းအဆွေးနဲ့လည်း မဆေးကြောချင်
စိမ်းဖန့်ဖန့် လရောင်ကလည်း
အရင်လောက် ညှို့အားမပြင်းတော့……
တစ်ယောက်တည်း ရွက်လွှင့်ရတဲ့
မနက်ဖြန် လမ်းမတွေဟာ
ပျင်းရိ ငြီးငွေ့စရာတွေချည်းဘဲ……။ ။
0 Comment:
Post a Comment